गणेशोत्सवापूर्वी गणेश मूर्ती साकारण्याचा आनंद बालकांना स्वनिर्मितीतून मिळवून देण्यासाठी प्रतिवर्षीप्रमाणे यंदाही महाराष्ट्र राज्य जवाहर बालभवन, मुंबई येथे इयत्ता ६ वी ते १० वी तील विद्यार्थ्यांकरिता दिनांक २९ ऑगस्ट आणि ३० ऑगस्ट २०२४ या कालावधीत दुपारी १२:०० ते दुपारी ०४: ०० या वेळेत गणेश मूर्ती कृतीसत्राचे आयोजन करण्यात आले होते. तसेच यावर्षी प्रथमच बालकांनी तयार केलेल्या गणेश मूर्ती करिता आवडीप्रमाणे सजावट करता यावी याकरिता दिनांक २८ ऑगस्ट २०२४ रोजी दुपार १२:०० ते २ :०० आणि ३:०० ते ६:०० या वेळेत सजावट कृतीसत्राचे आयोजन करण्यात आले होते. पर्यावरण स्नेही शाडूच्या मातीपासून गणेश मूर्ती तयार करण्याबाबत बालकांना मार्गदर्शन करण्याकरिता आणि घरातील नेहमीच्या वस्तूपासून आकर्षक सजावट कशी करावी. याबाबत तज्ञ मार्गदर्शकांना आमंत्रित करण्यात आले होते.
विद्यार्थ्यांनी यांत आपला प्रत्यक्ष सहभाग नोंदवून उपक्रमाचा मनमुराद आंनद घेतला. आपल्याला हवी तशी मूर्ती साकारताना मुलांच्या चेहऱ्यावरचा आनंद आयोजकांनाही सुखावणारा होता.